مئه یئلی اسیردی. خرمن (خیرمان) واختی یئتیشمکدهایدی . بوستانچیﻻر بوستانﻻرینین پئشآریسینی گؤزلهمهلیایدی .اونلار بوتون یایی حاصیلﻻرینی بئجهریب، یئتیشدیریب، توپلاییب ساتمیشدیﻻر. داها مئه یئلی حتتا قوون ـ قارپیزﻻرین ایچیندهکی چردکلری ده اویناتماقدا ایدی . شیرینلیکلریندن هامیسی پارتلاییب، شیرهلری سوزولوردو. آغانج ـ « کوچهلرین اوشاقﻻری قیرتیللایا ـ قیرتیللایا کوچهلرده اویناییرﻻر. یئل »ائششک بئلی قیرما«، یا دا » جوﻻیا بادام آتما « ،»آغانج اونلارین اوزلرینه سامان دنهلرینی سپهـ سپه اسیردی .اوشاقﻻرین یاناقﻻری شاماماﻻرین اوزو کیمی قیرمیزیایدی. اونلارین دوداقﻻری دا
2
بعضا یئتیشمیش شافتالیﻻر کیمی یارالی ایدی .سانکی مئه یئلی بوستانچییا تئز اول، تئز اول، آغاج باشینداکی « اوزاقﻻردان خبر گتیریر کی، .» مئیوهلرین و بوستانین حاصیلﻻری شیرینلیکدن پارتلاماغا باشلاییب اوشاقﻻر دا بیلیرلر کی، بوستانچینین ایذنی ایله آغاجﻻرین باشلارینا دیرماشیب، شیرینلیکدن پارتلایان مئیوهلری دیشلرینه چکمهلرینین آرتیق زامانی گلیب چاتیب. مئیوهلرین شیرهلری اونلارین چاتلامیش دوداقﻻرینی ایسلادیب، یومشالدیردی.
